Asosiy kontent
Course: Fizika > Unit 9
Lesson 3: Suyuqlik dinamikasi- Hajmiy oqim va oqimning uzluksizligi tenglamasi
- Hajmiy oqim nima?
- Bernulli tenglamasi (1-qism)
- Bernulli tenglamasi (2-qism)
- Bernulli tenglamasi (3-qism)
- Bernulli tenglamasi (4-qism)
- Bernulli tenglamasiga doir masala
- Bernulli tenglamasi nima uchun kerak?
- Qovushoqlik va Puazeyl formulasi
- Yuqori tezliklardagi turbulentlik va Reynolds soni
- Venturi effekti va Pito naychasi
- Sirt taranglik kuchi va hoʻllanish
© 2024 Khan AcademyFoydalanish shartlariMaxfiylik siyosatiCookie Notice
Bernulli tenglamasi nima uchun kerak?
Bu tenglama sizga ixtiyoriy oʻlchamdagi nayda harakatlanayotgan suyuqlik harakatini tahlil qilish imkonini beradi.
Bernulli qonuni nima?
Bernulli qonuni – suyuqlik tezligining suyuqlik bosimiga bogʻliqligi haqidagi fikrlarning aksi. Koʻpchilik Bernulli qonuni notoʻgʻri boʻlsa kerak deb oʻylashadi, ammo bu Bernulli qonuni aslida nima deganini tushunmaslikdan boʻlishi mumkin. Bernulli qonuni quyidagicha:
Bernulli qonuni: gorizontal oqayotgan suyuqlikning tezroq oqayotgan nuqtalarida bosim sekinroq oqayotgan nuqtalarga nisbatan kichik boʻladi.
Shunday qilib, diametri oʻzgaradigan gorizontal suv quvurining suv tez harakatlanadigan qismi suv sekin harakatlanadigan qismiga qaraganda kichikroq bosim ostida boʻladi. Bu koʻpchilikka erish tuyuladi, chunki odamlar yuqori tezlikni yuqori bosim bilan bogʻlaydi. Ammo biz keyingi boʻlimda haqiqatan ham suv ortida oldiga nisbatan kattatoq bosim boʻlsa, u tezroq harakatlanishini koʻrsatamiz. Quyidagi boʻlimda biz Bernulli tenglamasini keltirib chiqaramiz va uni tushunishga harakat qilamiz.
Bernulli tenglamasi qanday keltirib chiqariladi?
Siqilmaydigan suyuqliklar oʻzgarmas hajmiy oqimni ushlab turishi uchun quvurning ingichka qismiga yetib kelganda tezlashishi kerak. Shu sababli ingichka joʻmrak quvurdagi suvning tezlashishiga olib keladi. Ammo bir narsa sizni oʻyga solayotgan boʻlishi mumkin. Agar suv siqilish paytida tezlashsa, u qoʻshimcha kinetik energiya oladi. Bu qoʻshimcha kinetik energiya qayerdan keladi? Joʻmrakdanmi? Quvurdanmi?
Biror jismga kinetik energiya berish uchun uning ustida ish bajarilishi kerak. Buni ish-energiya qonuni bilan tushuntirish mumkin.
Shunday qilib, agar suyuqlikning biror qismi tezlashayotgan boʻlsa, suyuqlikning bu qismi uchun tashqi kuch ish bajarishi kerak. Suyuqlik ustida qanday kuch ish bajaryapti? Hayotda suyuqlik ustida manfiy ish bajarayotgan kuchlar juda koʻp, biroq biz sistemani mukammal va suyuqlik toʻliq laminar oqmoqda deb tasavvur qilamiz. Laminar (qatlamli) oqim suyuqlikning parallel qatlamlarda (oʻzaro kesishmasdan) oqishini anglatadi. Laminar oqayotgan suyuqlikda girdoblar yoki burilishlar boʻlmaydi.
Shuning uchun biz dissipativ kuchlar tufayli energiya yoʻqotilmaydi deb olamiz. Xoʻsh, qaysi nodissipativ kuchlarning ishi suyuqlikning tezlashishiga sabab boʻlmoqda? Atrofdagi suyuqlikning bosimi suyuqlik ustida ish bajaradi va tezlashtiruvchi kuch hosil qiladi.
Quyidagi chizmada chapdan oʻngga qarab oqayotgan suv nayi koʻrsatilgan. Belgilangan suv hajmi cheklangan hududga kirishi bilan u tezlashadi. Belgilangan suvning chap tomonidagi bosimidan kelib chiqqan kuch uni oʻng tomonga itaradi va musbat ish bajaradi, chunki kuchning yoʻnalishi suyuqlik harakati bilan ustma-ust. Belgilangan suyuqlikning oʻng tomonidagi bosimidan chapga yoʻnalgan kuch hosil boʻladi va u manfiy ish bajaradi, chunki kuchning yoʻnalishi suyuqlik harakatiga qarama-qarshi.
Biz bilamizki, suv tezlashishi kerak (oqim uzluksizlik tenglamasidan) va shu sababli uning ustida musbat ish bajarilishi zarur. Demak, chap tarafdagi bosim kuchi tomonidan bajarilgan ish oʻng tarafdagi bosim kuchi bajargan manfiy ishdan kattaroq boʻlishi kerak. Bu shuni anglatadiki, kengroq/sekinroq qismdagi bosim tor/tez qismdagi bosimdan kattaroq boʻlishi kerak.
Suyuqlikdagi bosim va tezlik oʻrtasidagi teskari proporsionallik Bernulli qonuni deb ataladi.
Bernulli qonuni: gorizontal joylashgan nay boʻylab oqayotgan suyuqlik kichik bosimli joylarda tez, katta bosimli joylarda sekin harakatlanadi.
Bernulli qonuni toʻgʻrisida fikr yuritishning eng oddiy yoʻli – suyuqlik bosim katta sohadan bosim kichik sohaga oʻtganda tezlashadi, chunki natijaviy kuch harakat yoʻnalishi bilan ustma-ust tushadi.
Suyuqlik tez harakat qiladigan hududlarda past bosim boʻladi degan fikr gʻalati tuyulishi mumkin. Shubhasiz, sekin harakatlanadigan suyuqlikdan koʻra tez harakatlanayotgan suyuqlik tanangizga urilganda koʻproq bosim his qilasiz, toʻgʻrimi? Ha, bu toʻgʻri. Ammo hozir gap ikki xil bosim haqida ketyapti. Bernulli qonunidagi bosim bu oqim davomida barcha yoʻnalishlarga, shu jumladan, trubaning yon tomonlariga koʻrsatiladigan ichki suyuqlik bosimi hamdir. Bu siz suyuqlikning oldiga chiqib, uning harakatini toʻxtatganingizda his qiladigan bosimdan farq qiladi.
Eʼtibor bering, Bernulli qonuni tez harakatlanuvchi suyuqlik yuqori bosim hosil qila olmaydi demayapti. U shunchaki suyuqlikning sekin oqayotgan qismi xuddi shu nayda suyuqlikning tez oqadigan qismidan koʻproq bosim hosil qilishini aytgan.
Bernulli tenglamasi nima?
Bernulli tenglamasi asosan Bernulli qonunining yanada umumiy va matematik shakli boʻlib, u potensial energiyaning oʻzgarishini ham hisobga oladi. Biz ushbu tenglamani keyingi boʻlimda keltirib chiqaramiz, lekin undan oldin Bernulli tenglamasini koʻrib chiqib, unda nima deyilgani va uning qanday ishlatilishini tushunib olaylik.
Bernulli tenglamasi har qanday ikki nuqtadagi (1 va 2) toʻxtovsiz oqayotgan suyuqlikning zichligi , bosimi, tezligi va balandligini oʻzaro bogʻlaydi. Bernulli tenglamasi odatda quyidagicha yoziladi:
Rasmdagi , , oʻzgaruvchilar 1-nuqtadagi bosim, tezlik, va balandlikni, , va oʻzgaruvchilar esa 2-nuqtadagi bosim, tezlik va balandlikni bildiradi. Quyidagi diagrammada suyuqlikdagi ikkita nuqta (1 va 2) tasvirlangan, ammo Bernulli tenglamasi suyuqlikdagi ixtiyoriy ikki nuqta uchun oʻrinli.
Bernulli tenglamasida nuqtalarni qayerdan tanlashni qanday bilasiz? Nuqtalardan biri nomaʼlum oʻzgaruvchi topilishi kerak boʻlgan joydan boʻlishi shart. Aks holda, nomaʼlumni qanday topasiz? Siz odatda ikkinchi nuqta sifatida maʼlumotlar berilgan yoki ochiq nuqtani tanlaysiz, chunki bosim atmosferaga teng ekani maʼlum .
Shuni esda tutingki, suyuqlikning tanlangan nuqtadan erkin sirtigacha balandlikni anglatadi, siz nuqtani istalgan joydan tanlashingiz mumkin. Odatda balandlik sifatida ikkita nuqtadan (1 yoki 2) pastdagisini tanlash hisoblashni osonlashtiradi. bu nuqtadagi bosimni anglatadi. Siz manometrik yoki mutlaq bosimni tanlashingiz mumkin, ammo qaysi bosimni tanlasangiz (gidrostatik yoki absolyut), tenglamaning boshqa tomonida ham shuni ishlatish kerak. Siz 1-nuqtada manometrik bosim va 2-nuqtada absolyut bosimni qoʻya olmaysiz. Xuddi shunga oʻxshab, agar 1-nuqtaga gidrostatik bosimni qoʻyib, 2-nuqtada bosimni topsangiz, siz qoʻlga kiritgan qiymat 2-nuqtadagi gidrostatik bosim oʻlchovi boʻladi (absolyut bosim emas).
Bernulli tenglamasidagi va hadlari xuddi kinetik energiya va potensial energiya kabi faqat massa zichlik bilan almashtirilgan. Shu sababli Bernulli tenglamasi oqayotgan suyuqlik uchun energiyaning saqlanish qonuni qoʻllanishidan kelib chiqishi ajablanarli emas. Keyingi boʻlimda energiyaning saqlanish qonuni yordamida Bernulli tenglamasini keltirib chiqaramiz.
Bernulli tenglamasi qanday keltirib chiqariladi?
Quyidagi koʻndalang kesim yuzi va balandligi oʻzgaradigan quvurda chapdan oʻngga harakatlanayotgan suyuqlik bilan bogʻliq holatni koʻrib chiqing. Yuqorida kuzatganimizdek, quvur kichraygan qismda suyuqlik tezlashadi va kinetik energiya oladi, siqilgan qismlar yuqoriga qarab harakat qilsa ham, siqib boʻlmaydigan suyuqlik uchun hajmiy oqim oʻzgarmas qolishi kerak. Ammo endi siqishga intilish suyuqlikning yuqoriga qarab harakatlanishiga olib kelgani sababli suv potensial energiya va kinetik energiya oladi. Suyuqlik olgan energiyani suyuqlik ustida bajarilgan tashqi kuchlar ishiga tenglashtirib Bernulli tenglamasini keltirib chiqaramiz.
Aytaylik, biz koʻrib chiqayotgan sistema 1 va 2 suv hajmidan va shu hajmlar orasidagi suyuqlikdan iborat. Agar suyuqlik laminar, yopishqoq boʻlmagan va suyuqlik oqimiga taʼsir qiladigan hech qanday qarshi kuchlar mavjud emas deb olsak, tizimga dan tashqari qoʻshilgan ixtiyoriy energiya atrofidagi bosim kuchlari suyuqlik ustida bajargan tashqi ishi tufayli yuzaga keladi.
Biz buni matematik nuqtayi nazardan quyidagicha ifodalashimiz mumkin,
Dastlab biz suv ustida bajarilgan tashqi ish ni topishga harakat qilamiz. 1- va 2-nuqtalar orasidagi suv tashqi ish bajara olmaydi, chunki bu sistemamizning tarkibiy qismidir. Sistemada ustida tashqi ish bajara oladigan bosim chizmada koʻrsatilganidek va bosimdir. 1-nuqtadagi suvning chap tomonida joylashgan bosim musbat ish bajaradi, chunki bosim kuchi suyuqlik harakati bilan bir xil yoʻnalgan. 2-nuqtadagi suvning oʻng tomonidagi bosim manfiy ish bajaradi, chunki uning taʼsir kuchi suyuqlikning harakatiga qarama-qarshi.
Chapdan taʼsir qilayotgan bosim kuchi 1-nuqtadagi suvni masofa boʻylab surdi deb olaylik. Suyuqlik siqilmaydigan boʻlgani sababli quvurdagi barcha suv xuddi shu hajmga koʻchadi, shunda 2-nuqtadagi suv masofaga siljiydi.
Bunda bajarilgan ishni bilan topish mumkin. Bosim kuchi formulasi ni qoʻyib quyidagi formula ni hosil qilishimiz mumkin. Shunda 1-nuqtadagi suv tomonidan bajarilgan musbat ish ga va ikkinchi nuqtadagi suv tomonidan bajarilgan ish ga teng boʻladi.
Ushbu formulalarni tenglamamiz ning chap tomoniga keltirib qoʻysak,
Ammo va hadlar bir-biriga teng boʻlishi kerak, chunki ular 1- va 2-nuqta yaqinidagi siljigan suyuqlikning hajmini ifodalaydi. Agar suyuqlikni siqilmas deb olsak, barcha joyda teng hajmlar siljishi kerak, jumladan, yuqori qismda ham. Demak, boʻlgani uchun biz bu hadni shunchaki sifatida yozishimiz mumkin. Bu tenglamaning chap tarafini soddalashtirishda foydali,
Tenglamaning chap tarafi qisqartirildi. Endi tenglamaning oʻng tomonini soddalashtirishimiz kerak. Bu keltirib chiqarishning muhim va nozik qismidir. Yodda tuting, sistemamizga nafaqat 1 va 2-qismlardagi suv, balki shu ikki nuqta orasidagi suv ham kiradi. Katta yopiq sistema qismlarining kinetik va potensial energiyasidagi barcha oʻzgarishlarni qanday qilib hisoblaymiz?
Keltirib chiqarishni tugatish uchun yana bir taxminiy faraz qilishimiz kerak. Biz suyuqlik oqimi bir tekis deb olamiz. “Bir tekis” deganda suyuqlikning quvurdagi maʼlum bir nuqtadan oʻtayotgan tezligi oʻzgarmasligi nazarda tutiladi. Boshqacha qilib aytganda, agar shaffof quvurning biron-bir qismiga tikilib qarasangiz, har lahzada koʻzingiz oldidan oʻtib ketayotgan yangi suvni koʻrasiz, lekin oqim bir tekis boʻlsa, u holda oldingizdan oʻtayotgan suvning mos nuqtalari bir xil tezlikda harakat qiladi.
Shunday qilib, bir tekis oqish tushunchasi suyuqlik sistemasidagi energiya oʻzgarishini aniqlashga qanday yordam beradi? Quyidagi rasmni koʻrib chiqing. Bizning sistemamiz kulrangga boʻyalgan suyuqlikdan iborat (1-hajm, 2-hajm va ular orasidagi suyuqlik). Birinchi rasmda sistema qandaydir umumiy energiyaga ega. Ikkinchi rasmda sistema ustida ish bajariladi, natijada u energiya oladi, oʻng tomonga siljiydi va sistema har xil umumiy energiya ga ega boʻladi. Ammo suyuqlik energiyasi uning ustida ish bajarilishidan oldin va keyin bir xil boʻladi. Chizilgan chiziqlar orasidagi sohada suvning joylashishi va tezligi oʻzgaradi, lekin u shunday oʻzgaradiki, oldingi suv bilan bir xil balandlikda va tezlikda (masalan, va ) boʻlgandek tuyuladi. Bizning sistemamizda farq qiladigan narsa shuki, 2-qism endi quvurning oldingi suyuqlik boʻlmagan qismiga oʻtadi va hozir bizning sistemada hech narsa 1-qismning orqasidagi sohani egallamaydi.
Demak, bu tizim energiyasining umumiy oʻzgarishini shunchaki oxirgi nuqtalarning energiyasini hisobga olgan holda topish mumkinligini anglatadi. Xususan, ish bajarilgandan soʻng, 2-qismda mavjud boʻlgan kinetik va potensial energiyani deb olishimiz mumkin va endi undan 1-qism ortida mavjud boʻlmagan energiyani ayirishimiz mumkin. Boshqacha aytganda, .
Buni ish energiya formulasi ning oʻng tarafiga keltirib qoʻyamiz.
Endi kinetik energiya va potensial energiya formulalarini keltirib qoʻyamiz,
Ushbu tenglamada va mos ravishda 1- va 2-hajmli suyuqlik bosimini ifodalaydi. bilan mos ravishda 1- va 2-hajmdagi suyuqliklarning tezligini hamda bilan mos ravishda 1- va 2-hajmdagi suyuqliklarning balandligini ifodalaydi.
Suyuqlikni siqilmaydigan deb olganimiz sababli 1- va 2-hajmdagi siljigan suyuqliklarning massasi bir xil boʻlishi kerak. Bundan ning indekslarini tashlab yuboramiz,
Ikkala tarafni ga boʻlamiz va qavslarni ochib chiqamiz,
Biz siljigan suyuqlik massasining hajmiga nisbati uning zichligiga tengligi dan ifodani soddalashtiramiz. ni bilan almashtirsak, quyidagi hosil boʻladi,
Endi oddiygina algebra yordamida bitta nuqtaga tegishli hadlarni tenglikning bir tomoniga va ikkinchi nuqtaga tegishli hadlarni tenglikning ikkinchi tomoniga olib oʻtamiz,
Nihoyat. Bu Bernulli tenglamasi! U sizga laminar (qatlam-qatlam) oqimda bosim kinetik energiya zichligi va potensial energiya zichligi ning yigʻindisi ixtiyoriy ikki nuqta uchun bir xil boʻlishini aytmoqda.
Bernulli tenglamasini oqayotgan suyuqlik uchun energiyaning saqlanish qonuni sifatida koʻrish mumkin. Bernulli tenglamasi suyuqlik tizimi tomonidan olingan har qanday qoʻshimcha kinetik yoki potensial energiya boshqa suyuqlik tomonidan bajarilgan tashqi ish natijasi ekanini qoʻllashdan kelib chiqdi. Shuni yodda tutish kerakki, ushbu tenglama oʻrinli boʻlishi uchun koʻp shartlar bajarilishi kerak. Biz oqimni laminar va dissipativ kuchlardan xoli deb oldik, yoʻqsa, issiqlik energiyasi ajralgan boʻlardi. Hajmiy oqim oʻzgarmas va oqim tekis boʻlishi kerak, aks holda oʻrta qismning energiyasini qisqartirishimiz nooʻrin boʻlardi. Suyuqlik siqilmaydigan boʻlishi kerak, aks holda hajm va massalar teng boʻlmasligi ham mumkin.
Bu tenglama har xil suyuqlik sistemalari uchun turlicha boʻladi, biroq dissipativ kuchlardan xoli va laminar oqayotgan suyuqliklarning ixtiyoriy nuqtasida oʻzgarmas.
Nega Bernulli qonuni Bernulli tenglamasining natijasi?
Bernulli qonuni – Bernulli tenglamasining natijasi. Agar biz ishni
dan boshlasak va suyuqlik balandligi oʻzgarmaydi deb olsak, hadlar ikkala tarafdan ham qisqarib ketadi.
yoki biz buni quyidagicha yozishimiz mumkin,
Ushbu formula – Bernulli qonunining ifodasi, chunki agar suyuqlikning tezligi oqimning maʼlum bir sohasida katta boʻlsa, bosim bu sohada kichikroq boʻlishi kerak (bu Bernulli qonuni). tezlikning oshishi bir vaqtning oʻzida bosimning kamayishiga olib keladi, chunki ularning yigʻindisi doim oʻzgarmas boʻlishi kerak.
Bernulli qonuniga doir masalalar qanday yechiladi?
1-masala: ichimlik yetkazish gʻoyasi
Siz ichimliklarni mijozlarga yangicha usulda yetkazib berish ustida ish olib borayotgan restoranning egasisiz. Gʻoyalardan biri – zichligi boʻlgan pivoni quvur orqali yetkazish. Rasmda quvurning bir qismi keltirilgan. Maxsus qurilmalar 1-qismda suvning tezligi , bosimi esa ekanini koʻrsatmoqda. Shuningdek, 2-qism 1-qismdan balandroqda joylashgan va u yerda suv tezlikda harakatlanmoqda. Biroq siz 2-qismdagi suvning bosimini oʻlchay olmaysiz.
Bernulli qonuni yordamida 2-qismdagi manometrik bosimni toping.
Endi biz nisbiy sathni tanlashimiz kerak. Biz 1-qismning balandligini sath deb olamiz. Bunda va boʻladi. Ushbu qiymatlarni balandlik oʻrniga keltirib qoʻysak,
Biz nol qatnashgan hadni tashlab yuborib, qolgan hadlarning son qiymatini keltirib qoʻyamiz,
Yodda tuting: bizga maʼlumki, 2-qismdagi bosim absolyut bosimning emas, balki gidrostatik bosimning qiymati, chunki biz 1-qism uchun gidrostatik bosimni keltirib qoʻydik. Agar bizga absolyut bosimni topish kerak boʻlsa, unda natijaga ni qoʻshamiz.
2-masala: suv favvorasi muhandisligi
Sizga katta bir mehmonxona tomonidan diametrli gorizontdan chuqurlikdagi quvur bilan taʼminlanadigan favvora qurib berish soʻraldi. Suv quvurning oxirida diametri va gorizontdan balandligi boʻlgan silindr teshikdan tik yuqoriga tezlikda otilib chiqadi. Suvning zichligi .
Ushbu favvora toʻgʻri ishlashi uchun quvurdagi gidrostatik bosim qanday boʻlishi kerak?
Bernulli qonuniga doir masalalar biroz murakkab boʻlgani uchun biz qiziqishimiz ostida boʻlgan har ikki nuqtaning chizmasini chizib olishimiz kerak (rasm oʻlchash uchun berilmagan).
Biz quvurning pastki qismidagi nuqtani 1-nuqta sifatida tanlaymiz, chunki biz ushbu nuqtadagi bosimni aniqlashimiz kerak va quvurning yuqori qismidan 2-nuqtani tanlaymiz, chunki masala shartida ushbu nuqtadagi suvning tezligi haqida maʼlumot berilgan.
Bizga suvning 1-nuqtadagi tezligi nomaʼlum. Bernulli tenglamasini qoʻllab 1-nuqtadagi bosimni topish uchun biz oldin tezlikni topishimiz kerak.
Suv siqilmasligi sababli biz buni oqim uzluksizlik tenglamasidan foydalanib amalga oshirishimiz mumkin. Bilamizki, silindrsimon quvurning koʻndalang kesim yuzini formula bilan topish mumkin, natijani oqim uzluksizlik tenglamasiga keltirib qoʻyamiz,
Endi ikkala tarafdan larni qisqartirib, tenglamadan ni topamiz,
Quvurlarning radiusini keltirib qoʻyib, 1-nuqtadagi suvning tezligini topamiz,
Nihoyat, 1-nuqtadagi suvning tezligini topgandan keyin biz kattaliklarni Bernulli qonuniga keltirib qoʻyamiz,
Biz 1-nuqtani sath deb olamiz, shunda va boʻladi.
Biz buni soʻnggi Bernulli tenglamasiga keltirib qoʻysak, qisqarib ketadi va biz quyidagiga ega boʻlamiz,
Endi biz bajarishimiz kerak boʻladigan narsa – bu 2-nuqtadagi bosimni aniqlash. 2-nuqtadagi bosim atmosfera bosimiga teng boʻlishi kerak deyishimiz mumkin, chunki suv ochiq atmosferada turibdi. Bu – Bernulli tenglamasiga doir koʻplab masalalarda eʼtiborga olinishi kerak boʻladigan gipoteza. Har qanday nuqta ochiq atmosferada boʻlganda, uning bosimi atmosfera bosimiga teng. Bernulli tenglamasida biz mutlaq bosim dan yoki manometrik bosim dan foydalanishimiz mumkin (chunki manometrik bosim atmosfera bosimidan yuqori bosim). Har doim nollarni kiritishimiz mumkin, bu bizning ishimizni osonlashtiradi, shuning uchun biz manometrik bosim dan foydalanamiz. Bu bizning oʻzgartirilgan Bernulli tenglamamizni quyidagicha koʻrinishga keltiradi:
Endi suvning zichligi va erkin tushish tezlanishi ning son qiymatlarini keltirib qoʻyamiz,
Yodda tuting: biz ni keltirib qoʻyganimiz uchun natijamiz gidrostatik bosimga teng boʻladi. Agar bosimga ni qoʻyganimizda, 1-nuqtadagi absolyut bosimni topgan boʻlardik.
Muhokamaga qoʻshilmoqchimisiz?
Hozircha izohlar yoʻq.