Oʻrta chiziq, amplituda va davr atamalarini takrorlash

Oʻrta chiziq, amplituda va davr sinusoidaning uchta koʻrsatkichidir.

$\text{Oʻrta chiziq}$‍ bu grafikning maksimum va minimum nuqtalari oʻrtasidan oʻtuvchi gorizontal chiziqdir.

$\text{Amplituda}$‍ bu oʻrta chiziq va grafikning eng yuqori va pastki nuqtalaridan biri orasidagi vertikal masofadir.

$\text{Davr}$‍ bu ikki ketma-ket maksimum nuqtalar yoki ikki ketma-ket minimum nuqtalar orasidagi masofadir (bu masofalar teng boʻlishi kerak).

Sinusoida berilgan boʻlsa biz uning oʻrta chiziq, amplituda va davrini topish uchun tahlil qilamiz. Jumladan, quyidagi grafik berilgan boʻlsin:

Uning maksimum nuqtasi $(1,7)$‍, minimum nuqtasi $(3,3)$‍, keyin boshqa maksimum nuqtasi $(5,7)$‍ koordinataga ega.

$y=7$‍ (maksimum qiymat) va $y=3$‍ (minimum qiymat) oʻrtasidan oʻtuvchi gorizontal chiziq $y=5$‍, shu bois u oʻrta chiziqdir.

Oʻrta chiziq va ekstremal nuqtalardan biri orasidagi vertikal masofa $2$‍, shu bois u amplitudadir.

Ikki ketma-ket maksimum nuqtalar orasidagi masofa $4$‍, shu bois u davrdir.