Asosiy kontent
Course: Biologiya > Unit 30
Lesson 1: Biologiya mutaxassislari bilan tanishingTanishing, Stefani Spens!
Tanishing, atrof-muhitni qoʻriqlash boʻyicha yozuvchi va ilmiy audiolar muallifi Stefani Spens.
Salom, mening ismim Stefani Spens!
Sizning kasbingiz nima?
Men “Sierra Club”ning Illinoys filialida aloqa va rivojlantirish boʻlimi koordinatoriman. Bizning boʻlimimiz Illinoys shtatidagi yovvoyi hududlarni saqlash, shuningdek, toza energiyani targʻib qilish, toza suv va toza havoni himoyalash hamda jamoat joylari ifloslanishining oldini olish masalalari bilan shugʻullanadi.
Mening vazifam – atrof-muhitni muhofaza qilish toʻgʻrisidagi xabarni siyosatchilar, aholi va oʻzimizning aʼzolarga yetkazish. Men “invaziv” turlarga oid maqolalar, brokatlar haqidagi bloglar yarataman va veb saytlarimizni va ijtimoiy medialarni boshqaraman. Ishim yuzasidan tugʻiladigan asosiy savollar quyidagicha: qanday qilib odamlarda suvni dezinfeksiyalash kabi ilmiy mavzularda suhbatlashishga qiziqish uygʻotish mumkin? Qanday qilib iqlim oʻzgarishini tushunarli va hududiy qilib tushuntirib bersa boʻladi? Yoʻqolib borayotgan oʻsimlik yoki hayvonlarning ahamiyatini qanday bayon qilish kerak?
Biologiyaga qanday qilib qiziqib qoldingiz va nimalarni oʻrgandingiz?
Men Hayvonlar dunyosiga qiziqib ulgʻayganman. Menga oʻn yoshli qizlarga qaraganda Venera chivinlari va shudring koʻproq qiziqarli tuyulardi. Kollejda asosan atrof-muhitni oʻrganish mutaxassisligi, bundan tashqari, yozuv sanʼati va sogʻliqni saqlash sohasi boʻyicha oʻqishim davomida hayvonlarga (va biz inson deb ataydigan gʻalati hayvonlarga) boʻlgan qiziqishim yanada ortdi. Oʻqishim haqiqatan ham hozirgi ishimga taʼsir qildi; men oʻzimni juda omadli his qilaman. Ammo onamga aytmang, men bularning hammasini shu tarzda rejalashtirganman!
Boʻsh vaqtingizda nimalar bilan shugʻullanasiz?
Men boʻsh vaqtimda narsalar toʻqiyman, ovqatlar pishiraman, kulolchilik buyumlarini yasayman, non tayyorlayman, xona oʻsimliklarini parvarishlayman va rasmlar chizaman. Shuningdek, ijod bilan ham shugʻullanaman, birinchi kitobim shu yil bahorda nashr etiladi. Bundan tashqari, post-apokaliptik ilmiy komediya va dramadan iborat Bizning adolatli shahrimiz eshittirishida yozuvchilik qilaman.
Biologiyaga qiziquvchi odamlar uchun sizning maslahatingiz qanday?
Biologiya bilan shugʻullanishning qiziqarli usulini toping – kulgili hasharotlarni suratga tushirasizmi yoki akulalar haqida komikslar yozasizmi, nima boʻlganda ham tabiatni oʻrganishdan zavqlanishning koʻplab usullari mavjud.
Muhokamaga qoʻshilmoqchimisiz?
Hozircha izohlar yoʻq.