Asosiy kontent

Boshlangʻich algebra

Course: Boshlangʻich algebra > Unit 5

Lesson 8: Aralash sonlar

Aralash sonlar va notoʻgʻri kasrlar mavzusini takrorlash

Aralash sonlar notoʻgʻri kasrlar koʻrinishiga qanday keltirilishini va notoʻgʻri kasrlar aralash sonlar koʻrinishiga qanday keltirilishini takrorlang. Soʻng misollarni yechib koʻring.

Notoʻgʻri kasr nima?

Notoʻgʻri kasr bu shunday kasrki, uning surati maxrajdan katta yoki unga teng.

Quyida notoʻgʻri kasrlarga misollar keltirilgan:

\frac{9}{4}, \frac{5}{5}, \frac{7}{3}

Aralash sonlar nima?

Aralash son bu butun sonlar va toʻgʻri kasrlarni oʻz ichiga olgan sondir.

Quyida aralash sonlarga misollar keltirilgan:

4 \frac{1}{2}, 1 \frac{3}{8}, 12 \frac{5}{6}

Aralash sonni notoʻgʻri kasr koʻrinishida qayta yozish

3 \frac{4}{5}

sonini notoʻgʻri kasr koʻrinishida qayta yozing.

3 \frac{4}{5} = 3 + \frac{4}{5}

= 1 + 1 + 1 + \frac{4}{5}

= \frac{5}{5} + \frac{5}{5} + \frac{5}{5} + \frac{4}{5}

= \frac{5 + 5 + 5 + 4}{5}

3 \frac{4}{5} = \frac{19}{5}

Aralash sonlarni notoʻgʻri kasrlar shakliga keltirish haqida koʻproq oʻrganishni istaysizmi? Ushbu videoni koʻring.

1A-misol

Notoʻgʻri kasr shaklida qayta yozing.

5 \frac{1}{2} =

Bunday mashqlardan koʻproq bajarib koʻrishni xohlaysizmi? Ushbu mashqni koʻring.

Notoʻgʻri kasrni aralash son koʻrinishida qayta yozish

\frac{10}{3}

kasr sonini aralash son shaklida qayta yozing.

\frac{3}{3} = 1 butun

Keling,

\frac{10}{3}

kasr sonidan qancha butun sonni olishimiz mumkinligini koʻrib chiqaylik.

\frac{10}{3} = \frac{3 + 3 + 3 + 1}{3}

= \frac{3}{3} + \frac{3}{3} + \frac{3}{3} + \frac{1}{3}

= 1 + 1 + 1 + \frac{1}{3}

\frac{10}{3} = 3 \frac{1}{3}

Notoʻgʻri kasrlarni aralash sonlar shakliga keltirish haqida koʻproq oʻrganishni istaysizmi? Ushbu videoni koʻring.

2A-misol

Aralash son koʻrinishida qayta yozing.

\frac{13}{8} =

Bunday mashqlardan koʻproq bajarib koʻrishni xohlaysizmi? Ushbu mashqni koʻring.

Muhokamaga qoʻshilmoqchimisiz?

Kirish

Saralash:

Hozircha izohlar yoʻq.

Ingliz tilini tushunasizmi? Khan Academyʼning inglizcha saytida boʻlayotgan muhokamalarni koʻrish uchun shu yerga bosing.